Shymkentte jastar ortalyǵynyń basshysy jelidegi jazbaǵa laık baspaǵan qyzmetkerlerdi jazalaǵan

ShYMKENT. KAZINFORM – Oqıǵa úlken rezonans týdyrdy. 

Áleýmettik jelidegi aqparatqa súıensek, Shymkenttegi jastar resýrstyq ortalyǵynyń basshysy «áleýmettik jelidegi jazbalarǵa laık baspadyń» dep qyzmetkerlerin jazalaǵan. Tipti, jınalysqa salyp, buıryq shyǵaryp, eskertý bergen. Saldarynan bir qyzmetkerdiń densaýlyǵy nasharlap, jedel járdem shaqyrtýǵa májbúr bolǵan.

Atalǵan jaǵdaı áleýmettik jelide keńinen tarap ketti. Basshylyqtyń buıryǵy men WhatsApp jelisinde jazǵan jazbalary da kópshiliktiń talqysyna tústi.

Shymkent qalasynyń ishki saıasat jáne jastar isteri jónindegi basqarmasynyń basshysy Aıgerim Jumaǵulova atalǵan jaǵdaıǵa baılanysty pikir bildirdi. Ol óz kezeginde jastar resýrstyq ortalyǵy basshysynyń bul áreketi shekten shyqqandyq ekenin jetkizdi. 

– Qyzmetkerlerdi laık basýǵa májbúrleý — tıimsiz ári durys emes ádis. Eger áleýmettik jelilerde «belsendilik» qajet bolsa, kúshin shynaıy qyzyqtyratyn kontent jasaýǵa baǵyttaǵany jón. Sonda laık ózdiginen keledi, eshkimdi úgitteýdiń qajeti bolmaıdy. Osyǵan baılanysty jastar resýrstyq ortalyǵynyń basshysyna qatysty tártiptik jaza qoldaný týraly sheshim qabyldandy, - delingen jazbada.

Aıta keteıik, budan buryn Shymkentte asfaltty mólsherden tys satyp alýdy josparlaǵan mekeme basshysy jaýapqa taratylǵanyn jazǵan bolatynbyz.