Shymkentte jasóspirimder quramalary álem chempıonatyna joldamany sarapqa salady
ASTANA. KAZINFORM — Shymkent qalasynda 11-23 mamyr aralyǵynda Azııa – Tynyq muhıt aımaǵy boıynsha 16 jasqa deıingi jasóspirimder arasynda komandalyq álem chempıonatynyń irikteý kezeńi ótedi.
Qazaqstan tennıs federatsııasynan málim etkenindeı, Azııa men Tynyq muhıt aımaǵynyń 16 úzdik quramasy álem chempıonatyna joldamany sarapqa salady.
Jarys kestesi:
- 11-16 mamyr: Junior Billie Jean King Cup (qyzdar);
- 18-23 mamyr: Junior Davis Cup (bozbalalar).
Alǵashqy aptada Junior Billie Jean King Cup aıasynda 16 qurama synǵa túsedi: Aýstralııa, Qytaı, Qytaılyq Taıbeı, Gonkong, Úndistan, Indonezııa, Japonııa, Qazaqstan, Ońtústik Koreıa, Malaızııa, Maldıv, Fılıppın, Sıngapýr, Shrı-Lanka, Taıland jáne Ózbekstan.
Jerebe qorytyndysyna sáıkes Qazaqstan qyzdar quramasy Gonkong, Japonııa jáne Taılandpen bir topqa tústi.
El namysyn Karolına Lıgaı, Tamına Sáken, Márııam Nurjan qorǵaıdy.
Toptyq kezeńniń alǵashqy matchtary búgin bastaldy.
Bozbalalar arasynda Junior Davis Cup aıasyndaǵy irikteý satysynyń toptar quramy men oıyndar kestesi keıin belgili bolady.
Eske sala keteıik, budan buryn Elena Rybakınanyń Rım týrnıriniń tórtinshi aınalymyna joldama alǵanyn jazǵan edik.
Rım masters týrnırinde Aleksandr Býblık tórtinshi aınalymnan tys qaldy.
Elena Rybakına bıylǵy maýsymda biregeı kórsetkishke qol jetkizdi.
