Shymkentte jasyryn esirtki zerthanasyn uıymdastyrdy degen kúdikpen eki sheteldik ustaldy
ASTANA. KAZINFORM – Bıyl tamyz aıynda QR Ulttyq qaýipsizdik komıtetiniń (UQK) Túrkistan oblysy boıynsha departamenti prokýratýra organdarynyń úılestirýimen Shymkent qalasynda sıntetıkalyq esirtki óndirisine qatysty jasyryn zerthananyń áreketin toqtatty.
UQK baspasóz qyzmetiniń habarlaýynsha, esirtki zattarynyń kezekti partııasyn daıyndaý kezinde eki sheteldik ustalyp, sottyń sanktsııasymen qamaýǵa alyndy.
Shamamen 4 kg «mefedron» psıhotroptyq zaty, 50 lıtr prekýrsor, shetel valıýtasyndaǵy qarjy, sondaı-aq «sıntetıka» daıyndaýǵa arnalǵan zerthanalyq jabdyq alyndy.
Qylmystyq Kodekstiń 297-babynyń 3-bóligi boıynsha sotqa deıingi tergep-tekserý júrgizilýde.
«Qylmystyq-protsestik kodekstiń 201-babynyń 1-bóligine sáıkes ózge aqparat jarııa etýge jatpaıdy»,-delingen habarlamada.
Osyǵan deıin Qyzylorda oblysynda esirtki ósirgen qylmystyq toptyń 22 belsendi múshesi qolǵa túskeni týraly jazdyq.
