Shymkentte jańadan 2 ındýstrııalyq aımaq iske qosyldy

ShYMKENT. KAZINFORM – Shymkentte jańadan 2 ındýstrııalyq aımaq iske qosyldy. Bul AEA-larda 293 joba iske asyrylyp jatyr jáne 8 myńnan asa jańa jumys orny qurylǵan. Bul týraly qala ákimi Ǵabıt Syzdyqbekov aıtty.

«Qazirgi tańda, 438 gektardy quraıtyn jańadan 2 ındýstrııalyq aımaq iske qosyldy. Birinshisi – «Juldyz» ındýstrııalyq aımaǵy. Bul aımaqty qurý jumystary 2020 jyly bastalyp, bıyl tolyqtaı iske qosyldy. Munda qurylys, metallýrgııa, farmatsevtıka, jıhaz ónerkásibi shoǵyrlanǵan. Aımaqta jalpy kólemi shamamen 166 mlrd teńgeni quraıtyn 46 iri zamanaýı kásiporyn ashylady. Ekinshisi, «Bozaryq» tamaq ónerkásibi ındýstrııalyq aımaǵy. Munda quny 44 mlrd teńgeni quraıtyn 2 myńnan astam jumys ornymen 25 joba iske asady», - dedi ol OKQ alańynda ótken baspasóz máslıhatynda.

Ákimniń aıtýynsha, osylaısha búgingi tańda qalada jumys istep turǵan ındýstrııalyq aımaqtardyń sany 7-ge jetken. Bul aımaqtarda 293 jobany iske asyrý arqyly 8 myńnan asa jańa jumys oryndary ashylyp, qala ekonomıkasyna 225 mlrd teńge ınvestıtsııa quıylǵan.

Aıta keteıik, buǵan deıin qala basshysy Shymkentte óńdeý ónerkásibi salasynda 12 joba iske qosylyp, 1000-nan astam jańa jumys orny ashylǵanyn aıtqan bolatyn.

Osyǵan deıin Shymkentte óńdeý ónerkásibi salasynda 12 joba iske qosylyp, 1000-nan astam jańa jumys orny ashylǵanyn jazdyq.