Shymkentte jas bosanǵan áıelder «ana men bala» dári qobdıshasyn ala almaı kelgen
ASTANA. KAZINFORM — Qalalyq prokýratýra perzenthanalarda «ana men bala» dári qobdıshasyn berý zańdylyǵyna taldaý jumystaryn júrgizdi. Bul týraly Shymkent qalasynyń prokýratýrasy málimdedi.
Taldaý nátıjesinde úsh myńǵa jýyq jańa týǵan nárestelerge perzenthanalardan shyǵarý kezinde qajetti dári qobdıshasy berilmegeni anyqtaldy.
— Qadaǵalaý aktisi negizinde 2763 náresteniń analary dári qobdıshasymen qamtamasyz etildi, № 2 qalalyq aýrýhananyń bas dárigeri Qazaqstan Respýblıkasy ÁQBtK-niń 426-babymen (Farmatsevtıkalyq qyzmettiń jáne dárilik zattar men medıtsınalyq buıymdardyń aınalysy salasynyń qaǵıdalaryn buzý) ákimshilik jaýaptylyqqa jáne 5 medıtsına qyzmetkeri tártiptik jaýaptylyqqa tartyldy, — delingen prokýratýra taratqan aqparatta.
Vedomstvo málimetinshe, bul baǵyttaǵy jumystar jalǵasýda.
Eske salsaq, buǵan deıin Shymkentte baǵdarshamdardyń sekýndomerin nege alyp tastaǵany anyqtaldy.