Shymkentte jańa seısmologııalyq stantsııa salynady

ShYMKENT. KAZINFORM - 1927 jyldan beri jumys istep kele jatqan bekettiń ǵımaraty búginde ábden tozǵan.

Shymkentte seısmologııalyq stantsııa bar. Munda seısmıkalyq derekterdi jınaý, taldaý, óńdeý, jer silkinisi oshaqtarynyń klasyn, magnıtýdasyn jáne baǵytyn anyqtaý jumystary júrgiziledi.

Stantsııada 3 jumysshy qyzmet atqarady. 1927 jyldan beri jumys istep kele bekettiń ǵımaraty búginde ábden tozǵan.

Búgin Shymkent qalasynyń ákimi Ǵabıt Syzdyqbekov «Shymkent» seısmologııalyq stantsııasynyń jumysymen tanysty.

Bekettiń jaı-kúıin kórgen qala ákimi jaýaptylarǵa jańa ǵımarat salýǵa tapsyrma berdi.

Sondaı-aq, Ǵabıt Syzdyqbekov saýda logıstıkalyq ortalyqtaǵy kópfýnktsıonaldy qoıma kesheniniń qurylys jumystaryn baqylady.

Jańa kókónis qoıma kesheni 6 gektar aýmaqta salynýda. Jeke ınvestor esebinen qarjylandyrylǵan ınvestıtsııalyq jobanyń jalpy quny – 10 239 mln teńge. Bıyl iske qosylatyn qoımada 107 adam jumyspen qamtylady.

Qurylys jumystaryn baqylaǵan qala basshysy kásipkerlik bastamalardy yntalandyrý maqsatynda memlekettik qoldaý jalǵasatynyn jetkizdi.