Shymkentte jańa modýldi eki sport zal ashyldy
ShYMKENT. KAZINFORM — Shymkent qalasynyń Qaınarbulaq jáne Nursát shaǵynaýdandarynda angar úlgisindegi modýldi eki sport zaldyń qurylysy aıaqtaldy. Jańa nysandar buqaralyq sportpen shuǵyldanýǵa múmkindik berip, ásirese balalar men jasóspirimderdiń sportqa qyzyǵýshylyǵyn arttyrýǵa baǵyttalǵan.
Nysandardyń ashylý saltanatyna qala ákimi Ǵabıt Syzdyqbekov jáne «Qazaqstan halqyna» qoǵamdyq qory basqarmasynyń tóraıymy Lázzat Shyńǵysbaeva qatysty.
— Ár shaǵynaýdannyń turǵyndary turaqty jattyǵyp, densaýlyǵyn nyǵaıtýǵa, belsendi ómir saltyn ustanýǵa múmkindik alýy mańyzdy. Biz sport nysandarynyń qoljetimdiligine erekshe nazar aýdara otyryp, qalanyń sport ınfraqurylymyn damytýdy jalǵastyramyz, — dedi Ǵabıt Syzdyqbekov.
Aıta keteıik, modýldi nysandardyń qurylysy 2025 jyldyń qarasha aıynda bastalǵan. Jobalar «Qazaqstan halqyna» qoǵamdyq qorynyń qoldaýymen júzege asyrylyp, megapolıske syılyq retinde berilip otyr.
Sport zaldary basketbol, voleıbol jáne shaǵyn fýtbol oınaýǵa qajet qural-jabdyqtarmen qamtylǵan. Munda uldar men qyzdarǵa arnalǵan kıim aýystyrý bólmeleri, dýsh kabınalary, jattyqtyrýshylarǵa arnalǵan bólmeler jáne 50 kórermenge arnalǵan oryndar qarastyrylǵan. Sondaı-aq, kún salqyn mezgilde jattyǵýǵa qolaıly bolýy úshin jylytý júıeleri ornatylǵan.
Osylaısha jańa sport nysandary turǵyndarǵa úıine jaqyn jerde dene shynyqtyrýmen aınalysýǵa múmkindik beredi. Bul buqaralyq sportty keńinen nasıhattaýǵa jáne salaýatty ómir saltyn qalyptastyrýǵa yqpal etedi.
