Shymkentte jańa qosylǵan shyrsha órtenip kete jazdady

ShYMKENT. KAZINFORM – Shymkentte «Astana» alańynda jańa jyldyq shyrshany jaǵý rásimi kezinde elektr symdary qysqa tuıyqtalyp, shyrshanyń 0,2 sharshy metr aýmaǵy janyp ketti, dep habarlaıdy QR Tótenshe jaǵdaılar mınıstrliginiń baspasóz qyzmeti.

Tótenshe jaǵdaılar departamentiniń kezekshilikte turǵan qyzmetkerleriniń jedel áreket etýiniń arqasynda órt 4 mınýt ishinde oqshaýlanyp, tolyqtaı sóndirildi.

Órt sóndirýshilerdiń arqasynda zardap shekkender men jaraqat alǵandar bolǵan joq.

- TJM jańa jyldyq merekelermen baılanysty is-sharalar kezinde órt qaýipsizdigi erejelerin qatań saqtaýdyń mańyzdylyǵyn eskertedi,- delingen habarlamada.

Astanada 30-dan astam jańa jyldyq shyrshanyń shamy jaǵylǵany týraly habarladyq.