Shymkentte jalpy paıdalanýǵa arnalǵan jer telimi memleket menshigine qaıtaryldy
ASTANA. KAZINFORM – Bul jer ýchaskesi «tehnıkalyq qyzmet kórsetý stantsııasy, saýda ortalyǵy jáne sulýlyq salonyn» salýǵa arnalǵan.
Shymkent qalasy jer resýrstaryn basqarý departamenti júrgizgen jospardan tys tekserý barysynda, 2005 jyly Shymkent qalasy ákimdiginiń sheshimimen jeke tulǵaǵa jer zańnamasy talaptaryn saqtamaı, jalpy paıdalanýǵa arnalǵan 0,1 ga jer telimi jeke menshikke berilgeni anyqtaldy.
Bul jer ýchaskesi «tehnıkalyq qyzmet kórsetý stantsııasy, saýda ortalyǵy jáne sulýlyq salonyn» salýǵa arnalǵan.
Elimizdiń Jer kodeksiniń 26-babyna sáıkes, jalpy paıdalanýǵa arnalǵan aýmaqtarda ornalasqan jer telimderi jeke menshikke berilmeıdi.
Anyqtalǵan zań buzýshylyqty joıý maqsatynda departament Shymkent qalasynyń aýdanaralyq azamattyq ister boıynsha sotyna Shymkent qalasy ákimdiginiń sheshimin jáne satyp alý-satý kelisim-sharttaryn jaramsyz dep taný týraly talap aryzben júgindi. Sot talap aryzdy tolyq qanaǵattandyrdy.
Shymkent qalalyq sotynyń azamattyq ister jónindegi sot alqasy apellıatsııalyq shaǵymdy qanaǵattandyrmady, al alǵashqy sot sheshimi ózgerissiz qaldy.
Aıta ketelik jer ýchaskesine qatysty sheshimderdi onlaın alýǵa bolady.
