Shymkentte jalǵan shot-faktýra jasaǵandarǵa 85,1 mln teńge aıyppul salyndy

ShYMKENT. KAZINFORM — Shymkentte jalǵan shot-faktýra jazyp bergen salyq tóleýshilerge aıyppul salynyp, memlekettiń materıaldyq múddesi qorǵaldy.

Shymkent qalasy Turan aýdanynyń prokýratýrasy ákimshilik quqyq buzýshylyq týraly ister boıynsha is júrgizý zańdylyǵyna júrgizgen monıtorıng nátıjesinde Memlekettik kirister basqarmasy jalpy somasy 709,5 mln teńgege jalǵan shot-faktýralar jazyp bergen 5 salyq tóleýshige qatysty 5 ákimshilik quqyq buzýshylyq týraly isti zańsyz toqtatqanyn anyqtady.

– Prokýrorlyq qadaǵalaý aktileri boıynsha joǵaryda kórsetilgen isterdi toqtatý týraly qaýlylardyń kúshi joıyldy. Sonymen qatar jalǵan shot-faktýra jazyp bergen salyq tóleýshilerge Ákimshilik quqyq buzýshylyq týraly kodekstiń 280-baby (Jalǵan shot-faktýra jazyp berý) boıynsha jalpy somasy 85,1 mln teńge ákimshilik aıyppul salyndy, - delingen qalalyq prokýratýra habarlamasynda.

Qazir 41,6 mln teńge óndirilip, memlekettiń materıaldyq múddesi qorǵaldy.

Buǵan deıin Qazaqstannyń kóshpeli vızasyn alǵandar salyqty qalaı tóleıtinin jazǵan bolatynbyz.