Shymkentte izdeý jarııalanǵan burynǵy depýtat sotqa jetkizildi

ShYMKENT. KAZINFORM - Buryn máslıhat depýtaty bolǵan Qýanysh Dáýletalıev izdeýge jarııalanǵannan keıin tabylyp, sot otyrysyna qatysý úshin sotqa jetkizildi.

Qalalyq polıtsııa departamentiniń málimetinshe, Dáýletalıevke sot otyrysynyń kúni men ýaqyty týraly habarlanyp, mindetti túrde qatysýy qajet ekendigi eskertilgen. Sotta oǵan qatysty qorlaý deregi boıynsha aryz qaraldy. Alaıda ol habarlamany elemegendikten, sot ony májbúrlep jetkizý týraly qaýly shyǵardy.

— Atalǵan qaýlyny oryndaý mindeti Turan aýdandyq polıtsııa basqarmasynyń qyzmetkerlerine júkteldi. Azamat anyqtalyp, sotqa jetkizildi, — dep habarlady Shymkent qalalyq polıtsııa departamenti.

Aıta keteıik, budan buryn Shymkentte máslıhattyń burynǵy depýtatyna izdeý jarııalanǵan bolatyn.