Shymkentte zańsyz aınalymnan 500-ge jýyq veıp tárkilendi
ShYMKENT. KAZINFORM — Atalǵan derek boıynsha qylmystyq is qozǵaldy
Shymkentte «Dármek» jedel-profılaktıkalyq is-sharasy aıasynda polıtsııa qyzmetkerleri ekonomıkalyq tergeý departamentimen birlesip, elektrondyq tutyný júıelerin zańsyz satýmen aınalysqan tulǵalardyń áreketin toqtatty.
Úsh jas jigit messendjerlerdiń birinde arna quryp, sol arqyly veıp ónimderin jarnamalap, satýmen aınalysqan. Júrgizilgen jedel is-sharalardyń nátıjesinde kúdiktiler anyqtalyp, ustaldy.
Tekserý barysynda zańsyz aınalymnan 500-ge jýyq veıp tárkilendi.
Atalǵan derek boıynsha qylmystyq is qozǵaldy. Qazirgi tańda tergeý áreketteri júrgizilip jatyr.
Aıta ketelik Shymkentte messendjer arqyly veıp satqan turǵyn ustalǵan edi.
