Shymkentte úı tazalaýǵa kelgen áıeldi qorlap óltirgen jasóspirim sottaldy

ShYMKENT. KAZINFORM – Shymkentte sot bıyl shilde aıynda úı tazalaýǵa kelgen áıeldi óltirip, denesin qoqys jáshiginiń janyna tastap ketken jasóspirimdi 7 jyl 6 aıǵa bas bostandyǵynan aıyrdy.

Shymkent qalasynyń qylmystyq ister jónindegi mamandandyrylǵan aýdanaralyq soty 17 jastaǵy A.-ny «Adam óltirý» (QK-niń 99-babynyń 1-bóligi) jáne «Urlyq» (QK-niń 188-babynyń 1-bóligi) baptary boıynsha kináli dep tapty. Al dáleldiń bolmaýyna baılanysty «Ólgen adamdardyń máıitterin jáne olar jerlengen jerlerdi qorlaý» (QK-niń 314-babynyń 1-bóligi) baby boıynsha kinásiz dep tanyldy.

Qalalyq sot habarlaǵandaı, kámelet jasyna tolmaǵan sottalýshy 2025 jylǵy 21 shildede Telegram áleýmettik jelisinde úıdi tazalap beretin qyz-kelinshekter qajet ekeni týraly jarnama jarııalaǵan. Jábirlenýshi osy jarnama boıynsha habarlasyp, sol kúni úıdi tazalap, kelisken eńbek aqysyn suraǵan. Alaıda, sottalýshy osy eńbek aqyny tólemeý maqsatynda jábirlenýshini óltirip, onyń uıaly telefonyn urlaǵan.

Sottalýshynyń kinási tolyq dáleldendi. Jasóspirim jazasyn kámeletke tolmaǵandardy ustaýǵa arnalǵan QAJ-niń ortasha qaýipsiz mekemelerinde óteıdi.

Úkim zańdy kúshine enbegen.

Budan buryn Shymkentte paketke oralǵan adam súıekteri tabylǵanyn jazǵan edik.