Shymkentte tutynýshylardyń jylýǵa qaryzy 820 mln teńgeden asqan
ShYMKENT. KAZINFORM — Shymkentte jylý bereshegin óndirip alý jumystary júrgizilip jatyr.
Shymkentte tutynýshylardyń jylý jáne ystyq sý qyzmetteri boıynsha jalpy bereshegi 821 mln 780 myń 936 teńgege jetken.
— Onyń ishinde zańdy tulǵalardyń bereshegi — 416 mln 498 myń 305 teńge, al jeke tulǵalardyń qaryzy — 405 mln 282 myń 631 teńge, — dep habarlady «Qýatjylýortalyq-3» mekemesi.
Kásiporynnyń málimetinshe, bereshegi bar tutynýshylarǵa jylý berý toqtatylmaıdy. Alaıda eki aıdan bastap tólem jasalmasa, bereshekti sot tártibimen óndirip alý boıynsha sharalar qabyldanady.
— Aldymen abonentterge SMS jáne poshta arqyly habarlama jiberiledi, qyzmetkerler de eskertedi. Qaryzdy óteýge úsh kún beriledi. Osy merzimde tólem jasalmasa, bereshekti óndirip alý jumystary júrgiziledi. Keıin is sot oryndaýshysyna joldanyp, boryshkerge qosymsha shyǵyndar eseptelýi múmkin, — dedi jaýapty sala ókilderi.
Buǵan deıin Shymkentte jylý jelilerinen 135 aqaý anyqtalǵanyn jazǵan edik.
