Shymkentte turǵyndardy aýyzsýmen qamtamasyz ete almaǵan sheneýnikter jazalandy
ShYMKENT. KAZINFORM - Shymkentte prokýratýra turǵyndardy sýmen qamtamasyz etý máseleleri boıynsha tekserý júrgizdi, dep habarlaıdy qalalyq prokýratýranyń baspasóz qyzmeti.
Tekserý barysynda prokýrorlar 1500-den astam úıdiń ortalyqtandyrylǵan aýyz sýmen qamtamasyz etilmeýi, sanıtarlyq normalardyń buzylýy, sý ınfraqurylym nysandarynyń sapasyz salynýy jáne sýmen jabdyqtaýdyń durys uıymdastyrylmaýy sııaqty kemshilikterdi anyqtady.
- Qadaǵalaý aktilerimen kináli laýazymdy tulǵalar ákimshilik jáne tártiptik jaýapqa tartyldy. Turǵyndardy aýyz sýmen tolyq qamtamasyz etý maqsatynda is-sharalar jospary ázirlendi, - delingen habarlamada.
Osyǵan deıin prokýrorlardyńQyzylorda oblysynda ınvestordy negizsiz salynǵan aıyppul tóleýden bosatqany týraly habarladyq.
