Shymkentte turǵyn úı sertıfıkatyna qatysty tarap jatqan aqparat jalǵan — ákimdik

ShYMKENT. KAZINFROM — Alaıaqtar baspana alýǵa kómektesýge ýáde berip, turǵyn úı sertıfıkattaryn taratqan.

Shymkent qalasynyń ákimdigi resmı habarlamalardyń tek jergilikti atqarýshy organdardyń jáne Turǵyn úı basqarmasynyń resmı saıttary men áleýmettik jelilerdegi resmı paraqshalary arqyly taratylatyndyǵyn málimdedi.

Sondaı-aq, alaıaqtardyń joldaǵan jalǵan qujattamalaryna nemese shyndyqqa sáıkes kelmeıtin aqparattaryna senbeýge shaqyrdy. 

Qaýipsizdik úshin: 

— Beıtanys nómirlerge aqsha aýdarmaý qajet,
— Jeke derekterińizdi bógde adamdarmen bólispeńiz,
— Aqparatty tek resmı derekkózderden tekserińiz. Kúmándi habarlamalarǵa senbeńiz.

— Ókinishke qaraı, halyq arasynda, ınternet keńistiginde jergilikti atqarýshy organdardyń atynan azamattar arasynda joǵaryda kórsetilgendeı jalǵan qujattar taralyp jatqandyǵy jáne páter alyp berýge kómektesemin dep zańsyzdyqqa baratyn alaıaqtar kóbeıgen. Eger osyndaı kúmándi jaǵdaıǵa tap bolsańyzdar, shuǵyl quqyq qorǵaý organdaryna habarlasyńyzdar. Alaıaqtyq áreket Qazaqstan Respýblıkasynyń Qylmystyq Kodeksiniń 190-babyna sáıkes qylmystyq jaýapkershilikke alyp keledi, ıaǵnı bas bostandyǵynan aıyrý jazasyna kesiletinin eskertemiz, — delingen qala ákimdigi taratqan aqparatta.

Aıta keteıik, budan buryn Shymkenttik turǵyn vırtýaldy nómirlerdi paıdalanyp alaıaqtyqpen aınalysqanyn jazǵan bolatynbyz.