Shymkentte toı syılyqtaryn qaıtarmaǵany úshin áıel burynǵy kúıeýin sotqa berdi

ASTANA. KAZINFORM — Shymkent qalalyq sotynyń azamattyq ister jónindegi sot alqasy úılený toıynda berilgen syılyqtardyń qunyn óndirý týraly azamattyq isti apellıatsııalyq tártipte qarady.

— Talap qoıýshy Á. burynǵy jubaıy syıǵa tartylǵan 2 435 000 teńge kólemindegi múlikti qaıtarmaı otyrǵanyn aıtyp, sotqa júgingen. Birinshi satydaǵy sot talapty tolyq qanaǵattandyryp, jaýapkerden kórsetilgen somany, 100 000 teńge advokattyq shyǵyndy jáne 24 350 teńge memlekettik bajdy óndirý týraly sheshim shyǵarǵan, — delingen habarlamada.

Apellıatsııalyq sotta taraptar tatýlasyp, daýdy medıatsııa arqyly retteý týraly kelisimge keldi. Kelisim boıynsha:

• talap qoıýshy óz talabynan bas tartady;

• jaýapker eki apta ishinde ózinde saqtalǵan zattardyń ornyna talap qoıýshyǵa 200 000 teńge tóleýge mindettenedi.

Sot alqasy medıatsııalyq kelisimdi bekitip, isti óndiristen toqtatty. Buǵan qosa, talap qoıýshyǵa aldyn ala tólengen memlekettik baj memlekettik bıýdjetten qaıtaryldy.

Sot uıǵarymy zańdy kúshine endi.

Budan buryn merekede áıelderdi syılyqsyz qaldyrǵan shymkenttik eki jigit qamaýǵa alynǵanyn jazǵan edik.