Shymkentte tegin kontsert uıymdastyrǵan saýda ortalyǵynyń basshylyǵy jaýapqa tartyldy

ShYMKENT. KAZINFORM - Ánshi Sadraddınniń kontsertinde shý shyqty.

Áleýmettik jelide taraǵan vıdeodan, kontsertke kelgen kópshiliktiń keptelip qalǵanyn kórýge bolady. Tipti, adamdar arasynda qysylyp qalǵan qyzdar, áreń qımyldap, jol ashyp jatqany kadrǵa túsip qalǵan. Al, shash julysqan áıelderdi jigitter ajyratyp alǵan. 

Tártip saqshylary adamdar legin retke keltirip, qoǵamdyq qaýipsizdikti qamtamasyz etti.

Atalǵan jaǵdaıǵa qatysty pikir bildirgen Shymkent qalasy polıtsııa departamentiniń baspasóz qyzmeti tegin kontsertti ótkizý kezinde polıtsııaǵa shaqyrtý túspegenin málimdedi. 

Al, saýda-oıyn-saýyq ortalyǵynyń basshylyǵy kontsertti ótkizýdi uıymdastyrý tártibin buzǵany úshin ákimshilik jaýapkershilikke tartyldy.

Aıta keteıik, budan buryn áleýmettik jelide tikeleı efırge shyqqan shymkenttik kólik júrgizýshisi jaýapqa tartylǵanyn jazǵan bolatynbyz.