Shymkentte tárbıeshi balalardy shprıtspen qorqytyp, qol kótergen
ShYMKENT. KAZINFORM — Shymkent qalasy Turan aýdanyndaǵy № 59 «Aısha» memlekettik bóbekjaı-balabaqshasynda tárbıeshiniń balalardy shprıtspen qorqytyp, qol kótergeni anyqtaldy.
Bul jaǵdaı ata-analar men qoǵam tarapynan alańdaýshylyq týǵyzdy.
Qalalyq bilim basqarmasynyń habarlaýynsha, qazir oqıǵanyń barlyq mán-jaıy quqyq qorǵaý organdary men salalyq basqarmalar tarapynan jan-jaqty tekserilip jatyr.
— Balabaqshanyń «Báıterek» mektepaldy tobynyń tárbıeshisi R.M. tarapynan balalarǵa qatysty psıhologııalyq jáne fızıkalyq qysym kórsetý belgileri (shprıtspen qorqytý, qol kóterý) anyqtalǵany jóninde málimet tústi. Oqıǵa boıynsha quqyq qorǵaý organdary men salalyq basqarmalar ókilderiniń, sondaı-aq ata-analar men balabaqsha qyzmetkerleriniń qatysýymen jedel keńes ótkizildi. Tergeý nátıjeleri boıynsha zańnamaǵa sáıkes tıisti quqyqtyq baǵa beriledi, — dedi Shymkent qalasy bilim basqarmasy basshysynyń orynbasary Kúlzına Ýálıhanova.
Budan buryn Oralda balabaqshadaǵy oqıǵaǵa qatysty qylmystyq is qozǵalǵanyn jazǵan edik.