Shymkentte talapqa saı kelmeıtin jumyrtqa men 15,7 keli shujyq joıyldy
ShYMKENT. KAZINFORM — Shymkentte veterınarııalyq baqylaý kezinde ishki saýda nysandarynan talaptarǵa sáıkes kelmeıtin azyq-túlik ónimderi anyqtaldy.
Veterınarııalyq baqylaý jáne qadaǵalaý komıteti Shymkent qalasy boıynsha aýmaqtyq ınspektsııasynyń basshysy Aıdar Párdebekulynyń aıtýynsha, jyldyń segiz aıynda 2117 memlekettik qyzmet kórsetilip, josparly jáne jospardan tys tekserýler júrgizilgen. Nátıjesinde 210 ákimshilik hattama toltyrylyp, 9,4 mln teńge kóleminde aıyppul salynǵan.
— Іshki saýda nysandaryn tekserý barysynda belgilengen shekteýlerdi buzyp ákelingen 12 510 taýyq jumyrtqasy, sondaı-aq veterınarııalyq qujattary joq 15,7 keli shujyq ónimderi anyqtalyp, joıyldy. Zań buzýshylyqtar boıynsha 324 myń teńge kóleminde aıyppul salyndy, — dedi Aıdar Párdebekuly.
Sonymen qatar, maldy belgilenbegen oryndarda soıý faktileri boıynsha 14 ákimshilik hattama toltyrylyp, 692 myń teńge aıyppul salynyp, óndirildi.
Buǵan deıin Reseıden ákelingen veterınarııalyq qujattary joq 252 myń dana taýyq jumyrtqasynyń keri qaıtarylǵanyn jazǵan edik.
