15:06, 04 Maýsym 2025 | GMT +5
Shymkentte taksıdi taspen urǵan boıjetken qamaýǵa alyndy
ShYMKENT. KAZINFORM — Áleýmettik jelide taraǵan beınejazbada boıjetkenniń taksı kóliginiń áınegin taspen uryp, syndyrǵan sátin kórýge bolady.
Oqıǵa kópshiliktiń qyzý talqysyna tústi.
Atalǵan jaǵdaıǵa qatysty Shymkent polıtsııasy bóten múlikti qasaqana búldirý faktisi boıynsha qylmystyq is qozǵady. Al, kúdikti ustalyp, ýaqytsha ustaý ızolıatoryna qamaldy.
— Tergeý men saraptama nátıjeleri boıynsha protsestik sheshim qabyldanady. QR Qylmystyq-protsestik kodeksiniń 201-babyna sáıkes, ózge málimetter jarııalaýǵa jatpaıdy, — delingen Shymkent qalasy polıtsııa departamentiniń aqparatynda.
Aıta keteıik, budan buryn Shymkent kóshelerindegi jarnama ekranynda ádepsiz jazba paıda bolǵanyn jazǵan bolatynbyz.