Shymkentte «Svoı dom» qarjy pıramıdasynyń basshylaryna sot úkimi shyqty
«Svoı dom» qarjy pıramıdasyn qurý jáne basqarý boıynsha sotqa deıingi tergeýdi Qarjylyq monıtorıng agenttigi Shymkent qalasy boıynsha departamenti aıaqtady, dep habarlaıdy Kazinform.
Tergeý barysynda salymshylardyń baıýy basqalardyń jarnalary esebinen júzege asyrylatyn qarajat jınaý shemasy anyqtaldy.
«Qarjy pıramıdasynyń uıymdastyrýshylary ınvestorlarǵa engizilgen somadan 40% paıda alýǵa ýáde bergen.
Qylmystyq is boıynsha eki adam kúdikti dep tanyldy, salymshylarǵa keltirilgen shyǵyn kólemi 49 mln teńgeni quraıdy», — delingen agenttik dereginde.
Sot úkimimen bul tulǵalar kináli dep tanylyp, 3 jylǵa bas bostandyǵynan aıyryldy.
QMA qarjy pıramıdasyn qurý qylmystyq jaýapkershilikke tartylatynyn jáne múlki tárkilenip, 10 jylǵa deıin bas bostandyǵynan aıyrýmen jazalanatynyn eskertti.
