Shymkentte sport salasyndaǵy 6 laýazymdy tulǵa qylmystyq jaýapkershilikke tartylýda
Shymkentte sport salasyndaǵy 6 laýazymdy tulǵa qylmystyq jaýapkershilikke tartylýda. Bul týraly Sybaılas jemqorlyqqa qarsy is-qımyl agenttiginiń Shymkent qalasy boıynsha departamentiniń basshysy Dáýren Erǵarın málimdedi, dep habarlaıdy Kazinform.
Búginde sybaılas jemqorlyqqa qarsy is-qımyl agenttigi sport salasyndaǵy sybaılas jemqorlyq táýekelderine taldaý júrgizip jatyr. Basty maqsat – sportty damytýǵa bólingen bıýdjet qarajatyn jymqyrýdyń aldyn alý, sondaı-aq jattyqtyrýshylar men sportshylardan zańsyz aqsha jınaýǵa jol bermeý.
«Shymkentte sport salasyn damytýǵa bıýdjetten 27 mlrd teńgeden astam qarjy bólingen. Óńirdegi sport mektepteriniń dırektorlary men jattyqtyrýshylarynyń, jalpy sany 700-den astam qyzmetkerdiń qatysýymen kezdesý ótkizip, bıýdjettik qarajatty jymqyrý úshin kózdelgen jaýapkershilik talqylanyp, túsindirildi. Jalpy bıyldyń ózinde atalǵan salada 7 qylmys tirkelip, 6 laýazymdy tulǵa qylmystyq jaýapkershilikke tartylýda», - dedi Dáýren Erǵarın.
