Shymkentte sot sheshimimen 148 gektar jer memleket menshigine qaıtaryldy
ShYMKENT. KAZINFORM — Shymkentte bıyl sot arqyly 43 jer ýchaskesi memleket menshigine ótti.
Qalalyq jer resýrstaryn basqarý departamentiniń basshysy Aqylbek Muhaddastyń aıtýynsha, 2026 jyldyń basynan beri 113 tekserý júrgizilgen. Onyń qorytyndysy boıynsha 4,7 mln teńge kóleminde aıyppul salynyp, óndirilgen.
Sondaı-aq paıdalanylmaı jatqan 28 jer ýchaskesiniń ıelerine zań buzýshylyqtardy joıý týraly nusqamalar berildi. Igerilmegen jerlerdi baqylaý aıasynda bıýdjetke on eselengen mólsherde jer salyǵy retinde 7,9 mln teńge túsken.
— Sot sheshimderi negizinde bıyl jalpy aýmaǵy 148 gektar bolatyn 43 jer ýchaskesi memleket menshigine qaıtaryldy. Taǵy 26 ýchaske boıynsha is qaralyp jatyr, — dedi spıker.
Aıta keteıik, 2023-2026 jyldar aralyǵynda memleket menshigine jalpy aýmaǵy 428,6 gektardy quraıtyn 302 jer ýchaskesi qaıtarylǵan.
Budan buryn Shymkent garnızonynyń áskerı prokýratýrasy quny 1 mlrd teńgeden asatyn jer ýchaskesin memleket menshigine qaıtarǵany týraly jazǵan edik.
