Shymkentte soqqyǵa jyǵylǵan medıtsınalyq akademııa professory kóz jumdy
ShYMKENT. KAZINFORM. Shymkentte medıtsınalyq akademııa professory qaıtys boldy. 1967 jyly dúnıege kelgen er adam aýyr halde №1 qalalyq aýrýhanaǵa jetkizilgen. Alaıda oqý ornynyń professory 5 kúnnen soń aýrýhana tóseginde kóz jumdy.
Jedel járdem kóligimen aýyr halde aýrýhanaǵa jetkizilgen patsıentke jabyq bas súıek mıynyń jaraqaty dıagnozy qoıylǵan. Es-tússiz bolǵan naýqas dereý jansaqtaý bólimine jatqyzylyp, ókpeni jasandy jeldetý apparatyna qosylǵan. Dárigerler naýqasty emdeýge baryn salǵanymen, ony aman alyp qala almady.
Shymkent qalalyq Polıtsııa departamenti atalǵan fakti boıynsha qylmystyq is qozǵalǵanyn aıtty.
«Kúdikti anyqtaldy. Tıisti saraptama taǵaıyndaldy. Oqıǵanyń mán-jaıyn anyqtaý boıynsha tergeý amaldary júrgizilip jatyr. Tergeý múddesi úshin ózge aqparat jarııa etilmeıdi», - delingen polıtsııa málimetinde.
Áleýmettik jelilerde medıtsınalyq akademııa professory kóshede soqqyǵa jyǵylǵany týraly aqparat tarady. Ony 11 synyp oqýshy aıasyz uryp-soqqan kórinedi.
Buǵan deıin Almaty qalasynda saıabaqta keshki júgirýge shyqqan zeınetker kisi qatty soqqyǵa jyǵylyp, qaıtys bolǵany týrazy jazǵan edik.