Shymkentte sıntetıkalyq esirtki taratýmen aınalysqan kúdikti ustaldy
ASTANA. KAZINFORM — Shymkent qalasynda esirtki zattaryn taratýmen aınalysqan Almaty oblysynyń turǵyny ustaldy, dep habarlaıdy Polisia.kz.
Kúdikti avtokólikpen júrgen. Ustaý kezinde polıtseıler kóliktiń júksalǵyshynan 1 keliden astam sıntetıkalyq psıhotroptyq zattardy taýyp, tárkiledi.
Anyqtalǵandaı, er adam zańsyz áreketpen ótken jyldan beri aınalysqan. Ol esirtki zattaryn Almaty oblysynan Shymkentke jetkizip, jasyryn oryndarǵa qaldyrý arqyly taratqan. Al jasyryn oryndardyń ornalasqan jerin messendjer arqyly joldap otyrǵan.
Atalǵan jaıt boıynsha qylmystyq is qozǵaldy. Kúdikti ýaqytsha ustaý ızolıatoryna qamaldy. Qazirgi tańda tergeý áreketteri jalǵasyp jatyr.
Aıta keteıik, jyl basynan beri zańsyz aınalymnan 466 keli sıntetıkalyq esirtki tárkilendi. Bul ótken jyldyń sáıkes kezeńimen salystyrǵanda eki ese kóp.
