Shymkentte sıntetıkalyq esirtki óndiretin jasyryn zerthana joıyldy

ShYMKENT. KAZINFORM -  UQK Shymkent qalasy boıynsha departamenti prokýratýra organdarynyń úılestirýimen sıntetıkalyq esirtki óndirisine qatysty jasyryn zerthananyń áreketiniń jolyn kesti.

«Esirtki zatynyń kezekti partııasyn daıyndap jatqan kezde Qazaqstan Respýblıkasynyń eki azamaty ustalyp, sottyń sanktsııasymen qamaýǵa alyndy. 10 kg jýyq daıyn jáne 60 lıtr «a-PVP» suıyq psıhotroptyq zaty men 240 lıtr prekýrsor, sondaı-aq esirtki daıyndaýǵa arnalǵan zerthanalyq jabdyqtar tárkilendi», - delingen UQK habarlamasynda.

Qylmystyq kodekstiń 297-babynyń 3-bóligi boıynsha sotqa deıingi tergep-tekserý júrgizilip jatyr. Qylmystyq-protsestik kodekstiń 201-babynyń 1-bóligine sáıkes ózge aqparat jarııa etýge jatpaıdy.

Almatyda sıntetıka óndirýmen aınalysqan esirtki zerthanasy anyqtalǵanyn jazǵan bolatynbyz,