Shymkentte sáýlet basqarmasynyń basshysy Arman Ábdeshov ustaldy

ShYMKENT. KAZINFORM — Aldyn ala málimetter boıynsha, Arman Ábdeshov Taraz qalasynda «Bótenniń múlkin ıemdený nemese talan-tarajǵa salý» babynda kózdelgen qylmysty jasady degen kúdikpen ýaqytsha ustaý ızolıatoryna jetkizilgen. 

Kazinform derekkózderiniń málimetinshe, ustalý faktisi Ábdeshovtiń Jambyl oblysyndaǵy qyzmetimen baılanysty bolýy múmkin. 2020 jyldan bastap ol óńirdiń sáýlet jáne qala qurylysy bóliminiń basshysy qyzmetin atqarǵan. 2022 jyly Taraz qalasynda osyǵan uqsas laýazymǵa taǵaıyndalǵan.

Arman Ábdeshov 2024 jyldyń qańtar aıynda Shymkent qalasyna aýysyp, qalalyq sáýlet jáne qala qurylysy basqarmasy basshysynyń orynbasary qyzmetine taǵaıyndalǵan. 2025 jyldyń 28 aqpanynda atalǵan basqarmany basqardy.

Aıta keteıik, budan buryn Shymkentte Abaı aýdany ákimdiginiń ǵımaraty órtengenin jazan bolatynbyz.