Shymkentte saýda ortalyǵy órtke orandy

ASTANA. KAZINFORM – Shymkent qalasynda tótenshe jaǵdaılar qyzmetkerleri saýda oıyn-saýyq ortalyǵynda bolǵan órtti sóndirdi, dep habarlaıdy TJM baspasóz qyzmeti.

Órt Tólemetov kóshesindegi ortalyqtan shyqqan. Alǵashqy órt sóndirý bólimsheleri kelgen sátte ashyq janý men qatty tútin baıqalǵan.

- Jedel jetken kúshter órtti joǵary dárejede sóndirýge kirisip, qysqa merzimde janýdy oqshaýlady. Ǵımarattyń shatyry men úshinshi qabatyna avtosaty men úsh ıindi saty ornatylyp, 2 adam qutqaryldy. Sonymen qatar ekinshi qabattan taǵy 3 adam shyǵaryldy, - dep jazdy vedomstvodan.

Evakýatsııa resmı túrde júrgizilmegen, adamdar tótenshe jaǵdaılar qyzmeti kelgenge deıin ózdiginen dalaǵa shyqqan.

Órttiń jalpy aýmaǵy 270 sharshy metrdi qurady.

Qazirgi ýaqytta onyń shyǵý sebebi anyqtalýda.

Aıta keteıik, Shymkentte 7 myńnan astam abonent gazsyz qaldy.