Shymkentte sapasyz salynǵan 170 mln teńgeniń jol jabyny qaıta tóseldi

ShYMKENT. KAZINFORM – 2025 jyly «Jol aktıvteri sapasynyń ulttyq ortalyǵy» RMK Shymkent qalalyq fılıaly qala aýmaǵyndaǵy qurylys nysandaryna 620 ret shyǵyp, saraptama júrgizdi. Nátıjesinde 65 kemshilik anyqtaldy.

Saraptama barysynda 1216 jol-qurylys materıaly iriktelip alyndy. Onyń 786-sy talapqa sáıkes kelse, 430 synama normatıvtik talaptarǵa saı bolmady.

– Standartqa saı kelmeıtin jol-qurylys materıaldary boıynsha sáıkestendirý jumystary júrgizilip jatyr. Qazirgi tańda anyqtalǵan aqaýlarǵa baılanysty 3 merdiger uıymǵa jáne 2 tehnıkalyq qadaǵalaýshyǵa 4,5 mln teńgeden astam aıyppul salyndy. Bir mamannyń attestaty 6 aı merzimge toqtatyldy. Sonymen qatar 170 mln teńgeniń jol jabyny merdiger esebinen qaıta tóseldi, – dedi fılıal dırektorynyń mindetin atqarýshy Lýtfýlla Kenjaev. 

Vedomstvo málimetine sáıkes, búginde Shymkent qalasyndaǵy joldardyń jaqsy jáne qanaǵattanarlyq jaǵdaıdaǵy úlesi 95 paıyzǵa jetken.

Budan buryn Shymkentte eki kósheniń qıylysynda asfalt opyrylyp qalǵanyn jazǵan edik.