Shymkentte sapasyz salynǵan 1,4 mln teńgeniń jol jabyny qaıta tóseldi

ShYMKENT. KAZINFORM - Jol salýda 200-den astam aqaý anyqtaldy.

Ótken jyly Shymkent qalasynda 227 shaqyrymdy quraıtyn avtokólik joly kúrdeli jáne ortasha jóndeý jumystarynan ótti. 247 kóshe, 1 kópir paıdalanýǵa berildi. 79,3 shaqyrymdyq kólik jolyna aǵymdaǵy jóndeý jumystary júrgizildi. Nátıjesinde, Shymkentte joldyń jaqsy jáne qanaǵattanarlyq jaǵdaıy 75 paıyzǵa jetti.

Degenmen, qurylys nysandaryna 843 ret shyǵyp, saraptama júrgizgen «Jol aktıvteri sapasynyń ulttyq ortalyǵy» RMK Shymkent qalalyq fılıaly 228 aqaý men kemshilikti anyqtady. Sondaı-aq, saraptama barysynda 1494 jol-qurylys materıaldary iriktelip alyndy. Onyń ishinde 873 synama talapqa sáıkes kelse, qalǵan 621 synama normatıvtik talaptarǵa saı bolmaı shyqty. 

- Sáıkes kelmegen jol-qurylys materıaldary boıynsha sáıkestendirý jumystary júrgizilýde. Búgingi tańda ol aqaýlar jóninde merdigerge, tehnıkalyq qadaǵalaý mekemelerine hattarmalar toltyryldy. Nátıjesinde 1 tehnıkalyq qadalaýshyǵa aıyppul salyndy. 1,4 mln. teńgeniń jol jabyny merdiger esebinen qaıta tóseldi, – dedi «Jol aktıvteri sapasynyń ulttyq ortalyǵy» RMK Shymkent qalalyq fılıalynyń bólim basshysy Qaırat Shákirov.

Aıta keteıik, budan buryn memlekettik múlikti talan-tarajǵa salǵan shymkenttik sheneýnik 8 jylǵa sottalǵanyn jazǵan bolatynbyz.