Shymkentte salmaǵy 7 keli alyp sábı dúnıege keldi

ShYMKENT.KAZINFORM - 41 jastaǵy ana 7 kelige jýyq sábıdi dúnıege alyp keldi.

Shymkent qalalyq №2 aýrýhananyń perzenthanasynda 41 jastaǵy ana tabıǵı jolmen, eshqandaı asqynýsyz 6700 gramm salmaqtaǵy sábıdi ómirge ákeldi. Bul – elimizde sırek kezdesetin jaǵdaı. Ul bala otbasyndaǵy altynshy perzent atanyp otyr. Kópbalaly ana buǵan deıin tórt ul, bir qyz bosanǵan.

– Qazir ananyń da, balanyń da jaǵdaıy jaqsy. Eń tańǵalarlyǵy – alyp balany anasy ózi bosanyp, ota da, kúrdeli aralasý da qajet bolmady, - delingen Shymkent qalasy Densaýlyq saqtaý basqarmasynyń baspasóz qyzmeti taratqan aqparatta.

Aıta keteıik, jyl basynan beri Shymkentte jyl basynan beri 6719 sábı dúnıege kelgen. Onyń ishinde 3271 qyz bala, 3448 ul bala bar.

Eske salaıyq, budan buryn Shymkentte bir aptada eki búırek transplantatsııasy jasalǵanyn jazǵan bolatynbyz.