Shymkentte sadaqtyń jebesinen jaraqat alǵan jasóspirimniń jaǵdaıy ortasha aýyr

ShYMKENT. KAZINFORM — Qazir kámeletke tolmaǵan bala hırýrgııa bóliminde em qabyldap jatyr.

Ata-anasynyń aıtýynsha, saǵat 11:30 shamasynda Qajymuqan stadıony mańaıynda oınap júrgen balanyń arqasyna sadaqtyń jebesi tıgen. Sodan birden aýrýhanaǵa jetkizilgen. Qazir jasóspirim hırýrgııa bóliminde em qabyldap jatyr.

— 11 jastaǵy jasósirim jedel-járdem qyzmetimen aýrýhanaǵa jetkizildi. Klınıkalyq hattama boıynsha tolyq ınstrýmentaldi laboratorly zertteýler jasalyndy. Qazirgi tańda balanyń jaǵdaı ortasha aýyr, turaqty, — delingen Shymkent qalalyq densaýlyq saqtaý basqarmasynyń baspasóz qyzmeti usynǵan aqparatta.

Aıta keteıik, budan buryn Shymkentte stadıon mańynan ótip bara jatqan jasóspirimge sadaq jebesi tıgenin jazǵan bolatynbyz.