Shymkentte sábıiniń óli denesin qorapqa salyp, tastap ketken ana ustaldy
ShYMKENT. KAZINFORM. Shymkent polıtsııasy shala týǵan sábıiniń óli denesin qorapqa salyp, qaladaǵy Túrkistan oblystyq perınataldyq ortalyqqa tastap ketken áıeldi ustady.
Vedomstvo málimetinshe, ol — Shymkent qalasynyń turǵyny.
«Atalǵan fakti boıynsha qala turǵyny anyqtalyp, ustaldy. Qylmystyq is qozǵalyp, sot-medıtsınalyq saraptama taǵaıyndaldy. Tergeý amaldary júrgizilip jatyr», -delingen polıtsııa málimetinde.
Eske salsaq, 7 mamyr kúni keshki 21.00 shamasynda Shymkentte ornalasqan № 2 Túrkistan oblystyq perınataldy ortalyǵyna belgisiz adam kelip, shamamen 20-21 aptalyq shala týǵan qyz balasynyń denesin tastap ketken edi.
