Shymkentte Rýslan Berdenovke qastandyq jasaý isi boıynsha sot bastaldy
ShYMKENT. KAZINFORM — Shymkent qalasy ákiminiń orynbasary Rýslan Berdenovke qastandyq jasaý faktisi boıynsha sot protsesi bastaldy.
Іs Shymkent qalasyndaǵy qylmystyq ister jónindegi mamandandyrylǵan aýdanaralyq sotta qaralyp jatyr. Basty aıyptalýshy buǵan deıin «Turǵyn úı Shymkent» JShS-in basqarǵan Ernar Jıembaı. Al, isti sýdıa Ábinur Qarabaev qarap jatyr. Sot otyrysy memlekettik tilde, ashyq formatta ótip jatyr. Degenmen, sýdıa aıyptalýshy Ernar Jıembaıdy beınejazbaǵa túsirýge tyıym saldy.
Ernar Jıembaıǵa Qylmystyq kodekstiń eki baby, ıaǵnı 24-baptyń 3-bóligi («Qylmysqa daıyndalý jáne qylmys jasaýǵa oqtalý»), 99-baptyń 1-bóligi («Adam óltirý») boıynsha aıyp taǵylyp otyr.
Rýslan Berdenovke qarýly shabýyl bıylǵy 21 sáýirde ákimdik ǵımaratynyń janynda jasalǵan bolatyn. Bul — onyń qala ákiminiń orynbasary qyzmetine taǵaıyndalǵanyna eki aı ǵana bolǵan ýaqyt. Buǵan deıin Rýslan Berdenov Parlament Májilisiniń depýtaty boldy.
Aıta keteıik, budan buryn Rýslan Berdenovke jasalǵan qastandyq týraly is sotqa joldanǵanyn jazǵan bolatynbyz.
21 sáýirde Shymkent ákiminiń orynbasary Rýslan Berdenovke qastandyq jasalǵany málim bolǵan.
Ol jaraqat alyp, aýrýhanaǵa tústi.
Al 25 sáýirde sheneýnikke oq atqan kúdiktiniń ákesi málimdeme jasady.
Rýslan Berdenovtiń aqpan aıynyń sońynda Shymkent qalasy ákiminiń orynbasary qyzmetine taǵaıyndalǵan.