Shymkentte Rýslan Berdenovke qastandyq jasaý isi boıynsha aldyn ala sot tyńdaýy aıaqtaldy
ShYMKENT. KAZINFORM — Qylmystyq isti Shymkent qalasynyń qylmystyq ister jónindegi mamandandyrylǵan aýdanaralyq soty qarap jatyr. Sot otyrysy barysynda birqatar jaıttar jarııa etildi.
Berdenovtiń múddesin senimdi ókili, advokat qorǵap otyr. Ol istiń sońyna deıin sot protsesine qatysady. Aıyptalýshy Ernar Jıembaı sot zalyna konvoımen jetkizildi. Sot otyrysy bastalmas buryn ol qatty qobaljyǵany baıqalyp, jary men anasynan densaýlyqtaryn surap, olardy jubatýǵa tyrysty.
Jıembaı ózine qatysty foto jáne beıne túsirilimge tyıym salýdy surap, bul jaǵdaı onyń otbasyna psıhologııalyq turǵydan keri áser etýi múmkin ekenin alǵa tartty. Sot bul ótinishti qanaǵattandyrdy.
Іsti qaraýǵa úsh prokýror, jábirlenýshi tarap — Shymkent qalasy ákiminiń orynbasary Rýslan Berdenovtiń ókili, sondaı-aq tórt qorǵaýshy qatysty. Aıyptalýshynyń qorǵaýshylarynyń biri — onyń týǵan ákesi.
Memlekettik aıyptaýshynyń aıtýynsha, Ernar Jıembaı ańshy myltyǵynan bes ret oq atyp, altynyshy baqylaý oqty atpaq bolǵanymen, oq-dárisi taýsylǵan. Óz kezeginde aıyptalýshy tergeý barysynda ózine qysym kórsetilip, azaptaý áreketteri jasalǵanyn málimdedi. Ol sotqa bul týraly dálelder usynýǵa daıyn ekenin jetkizdi.
Sot tóraǵasy Qarabaev kelesi otyrysta Rýslan Berdenovtiń sotqa jeke qatysýyn qamtamasyz etýdi tapsyrdy. Kelesi sot otyrysy 6 tamyz kúni saǵat 10:00–ge belgilendi.
Eske sala keteıik, Rýslan Berdenovke qastandyq 2024 jyldyń 21 sáýirinde Shymkent qalalyq ákimdigi ǵımaraty mańynda jasalǵan. Qazir bul iske baılanysty aýyr baptar boıynsha tergeý júrip jatyr.
Ol jaraqat alyp, aýrýhanaǵa tústi.
Al 25 sáýirde sheneýnikke oq atqan kúdiktiniń ákesi málimdeme jasady.
Rýslan Berdenovtiń aqpan aıynyń sońynda Shymkent qalasy ákiminiń orynbasary qyzmetine taǵaıyndalǵan.