Shymkentte ratsııalarmen áreket etken gastroler-urylar ustaldy
ShYMKENT. KAZINFORM – Shymkent qalasynda polıtsııa qyzmetkerleri aldyn ala oılastyrylǵan shema boıynsha áreket etken páter urylaryn áshkereledi. Bul týraly ІІM baspasóz qyzmeti habarlady.
Kúdiktiler – Almaty oblysynan kelgen úsh azamat. Olar qala aýmaǵynda birneshe ret urlyq jasap úlgergen.
Tergeý barysynda olardyń qylmys jasaý úshin ıeleri úıde bolmaǵan kezdi paıdalanyp, kóbine túngi ýaqytta ishke zańsyz kirgeni anyqtaldy. Qoldy bolǵan zattardyń qatarynda aqsha men altyn buıymdar bar.
Top jospardy iske asyrý úshin ratsııa qoldanǵan. Osy arqyly olar bir-birimen úzdiksiz baılanysta bolyp, rólderdi bólisip, jaǵdaıdy baqylap otyrǵan.
Jedel-izdestirý is-sharalarynyń nátıjesinde kúdiktilerdiń barlyǵy ustalyp, qamaýǵa alyndy. Atalǵan jaıttar boıynsha sotqa deıingi tergeý amaldary júrgizilip jatyr.
Polıtsııa azamattardy qaýipsizdik sharalaryn muqııat saqtaýǵa shaqyrady.
Aıta keteıik, Almatyda polıtsııa tótenshe sátti paıdalanyp urlyq jasaǵandardy ustady.
