Shymkentte prokýrorlar ınvestordyń polıtsııaǵa qatysty shaǵymyn tekserip jatyr
ASTANA. KAZINFORM — Bas prokýratýra «Sin Yuan Steel» JShS-nyń málimdemesine qatysty tergeý bastalǵanyn habarlady.
QR Bas prokýratýrasy Investorlardyń quqyqtaryn qorǵaý komıteti baspasóz qyzmetiniń resmı habarlamasyna sáıkes buqaralyq aqparat quraldarynda «Sin Yuan Steel» JShS-nyń Shymkent polıtsııasynyń zańsyz áreketteri týraly habarlamasy jarııalandy.
— Investordyń ýájderin tekserý maqsatynda Shymkent qalasynyń ınvestıtsııalyq prokýrorlary sotqa deıingi tergep-tekserýdi tirkedi. Qazaqstan Respýblıkasy Qylmystyq-protsestik kodeksiniń 201-babyna sáıkes ózge aqparat jarııa etilmeıdi, — delingen habarlamada.
Kásiporynnyń resmı saıtyndaǵy aqparatqa sáıkes Sin Yuan Steel — Shymkent qalasynda ornalasqan qytaı-qazaqstandyq metallýrgııalyq kompanııa. Kásiporyn bolat qorytý jáne surypty prokat ónimderin óndirýge mamandanǵan.
Osydan buryn Astana prokýratýrasy ınvestordyń quqyǵyn qorǵap, 20 mln dollarlyq jobany iske qosqanyn jazǵanbyz.
