Shymkentte prokýratýra aralasqannan keıin ınvestorǵa jer ýchaskesi berildi
ShYMKENT. KAZINFORM - Shymkent qalasynyń prokýratýrasy Investorlardyń quqyqtaryn qorǵaý komıtetiniń úılestirýimen, ınvestıtsııalyq jobany iske asyrý úshin jer ýchaskesin alý máselesinde ınvestorǵa qoldaý kórsetti.
Shymkent qalalyq prokýratýrasynyń habarlaýynsha, «OxyLine» JShS aýyz sý men alkogolsiz sýsyndar óndiretin zaýyt salý jobasyn júzege asyrýdy josparlap otyr.
Jobanyń jalpy ınvestıtsııa kólemi 750 mln teńgeni quraıdy. Nátıjesinde 30 jańa jumys orny ashylady.
Prokýratýra júrgizgen taldaý barysynda ınvestorǵa jer ýchaskesin berý máselesi buryn Óńirlik úılestirý keńesiniń otyrysynda qaralyp, qoldaý tappaǵany anyqtaldy. Sonymen qatar qabyldanǵan sheshim jetkilikti negizdemesiz bolǵany belgili boldy.
Máseleni jedel sheshý maqsatynda prokýratýra prokýrorlyq qadaǵalaý aktisin engizdi. Onyń nátıjesinde ınvestorǵa «Bozaryq» ındýstrııalyq aımaǵynan jer ýchaskesi bólindi.
Qazirgi ýaqytta ákimshilik kedergiler tolyqtaı joıylyp, ınvestor jobany iske asyrý jumystaryn bastady.
Shymkent qalasynyń prokýratýrasy ákimshilik kedergilerge tap bolǵan ınvestorlardy +7 (707) 615-00-10 telefony nemese 115 Call-ortalyǵy arqyly habarlasýǵa shaqyrady.
Osyǵan deıin ShQO-da prokýratýra jer telimderin berý rásimindegi zańsyz kedergilerdi joıǵan bolatyn.
