Shymkentte polıtsııa sıntetıkalyq esirtkiniń iri partııasyn tárkiledi
ShYMKENT. KAZINFORM – Shymkent qalasynda polıtsııa qyzmetkerleri sıntetıkalyq esirtkiniń iri partııasyn zańsyz aınalymnan alyp tastady, dep habarlaıdy Polisia.kz.
Qalalyq polıtsııa departamenti esirtki quraldary men psıhotroptyq zattardyń zańsyz aınalymyna qarsy baǵyttalǵan jedel-izdestirý is-sharalaryn júıeli túrde júrgizip keledi. Kezekti shara barysynda Almatydan Shymkentke sıntetıkalyq esirtkiniń iri partııasyn jetkizýdi uıymdastyrǵan tulǵalardyń qylmystyq áreketi áshkerelendi.
Tergeý barysynda kúdiktiler psıhotroptyq zattardy sorǵy jabdyǵynyń ishine jasyryp, ony qalaaralyq taksı arqyly sálemdeme retinde joldaǵany anyqtaldy. Atalǵan baǵyt polıtsııa qyzmetkerleriniń baqylaýyna alynyp, tekserý kezinde tehnıkanyń ishinen jalpy salmaǵy 2 kelini quraıtyn sıntetıkalyq esirtki salynǵan tórt paket tárkilendi.
Sonymen qatar ustalǵan tulǵalardyń biriniń turǵylyqty mekenjaıyn tintý barysynda baılanyssyz tásilmen ótkizýge arnalǵan sıntetıkalyq esirtki salynǵan 62 orama tabylyp, aıǵaq zat retinde alyndy.
Kúdiktiler ýaqytsha ustaý ızolıatoryna qamaldy. Qazirgi ýaqytta atalǵan derek boıynsha sotqa deıingi tergep-tekserý amaldary júrgizilip jatyr.
Aıta keteıik, Almatyda bıyl esirtki qylmysyna qatysy bar 28 sheteldik jaýapqa tartyldy.