Shymkentte polıtsııa ınternet-alaıaqtyqqa qatysy bar sheteldikti ustady
ASTANA. KAZINFORM – Kıberpolıtseıler Shymkent qalasynyń turǵyndary zardap shekken alaıaqtyq shemanyń jolyn kesti.
Jedel-izdestirý is-sharalary barysynda kıberqylmysqa qarsy is-qımyl basqarmasynyń qyzmetkerleri kúdiktini anyqtap, ustady. Ol Almaty qalasynda turatyn ınternet arqyly jasalatyn alaıaqtyq áreketterdi uıymdastyrýǵa jáne úılestirýge qatysy bar sheteldik azamat.
Alaıaqtyq shemasy psıhologııalyq qysym kórsetýge negizdelgen: kúdiktiler jábirlenýshilerge qońyraý shalyp, ózderin bank nemese memlekettik organdardyń qyzmetkerleri retinde tanystyryp, túrli syltaýlarmen aqshany «qaýipsiz shottarǵa» aýdarýǵa kóndirgen. Sonyń saldarynan azamattar óz jınaqtarynan aıyrylǵan.
Qazirgi tańda alaıaqtyqtyń úsh faktisi anyqtaldy. Keltirilgen jalpy shyǵyn shamamen 8 mıllıon teńge.
Tekserý barysynda urlanǵan qarajat aýdarylǵan shottar da anyqtaldy. Olar Almatyda turatyn tórt sheteldik stýdenttiń atyna rásimdelgeni belgili boldy. Olardyń bank kartalary men shottary zańsyz shema aıasynda paıdalanylyp, qarajatty qolma-qol aqshaǵa aınaldyrý jáne ári qaraı aýdarý úshin qyzmet atqarǵan.
Kúdikti ustalyp, ýaqytsha ustaý ızolıatoryna qamaldy. Tergeý áreketteri júrgizilip jatyr.
Polıtsııa azamattardy muqııat bolýǵa shaqyrady: beıtanys adamdardyń qońyraýlaryna senbeńizder, olarlyń nusqaýymen qarjylyq operatsııalar jasamańyzdar. Bank qyzmetkerleri men memlekettik organdar eshqashan telefon arqyly aqsha aýdarýdy talap etpeıdi.
Aıta ketelik Astana men Almatyda qazaqstandyqtardyń jeke derekterin zańsyz satqan top ustaldy.
