Shymkentte polıtsııa ǵımaratynda zańsyz ustalǵan 48 azamat bosatyldy - qala prokýrory

Shymkentte polıtsııa ǵımaratynda zańsyz ustalǵan 48 azamat bosatyldy. Bul týraly Shymkent qalasynyń prokýrory Ǵabıt Muqanov málimdedi, dep habarlaıdy Kazinform.

Qala prokýratýrasy júrgizgen arnaıy tekserý barysynda tártip saqshylary qandaıda bir tergeý áreketterin júrgizbeı, jetkizilgen 3 tulǵany 3 saǵattan astam ýaqyt boıy ǵımaratta zańsyz ustaǵany anyqtaldy. Quqyǵy buzylǵan adamdar dereý bosatyldy. Jınaqtalǵan qujattar kináli polıtsııa qyzmetkerlerin zańda kózdelgen jaýapkershilikke tartý úshin Shymkent qalasy polıtsııa departamentiniń ishki qaýipsizdik basqarmasyna joldandy.

Jalpy bıylǵy 9 aıda Shymkent prokýrorlary polıtsııa ǵımarattarynda zańsyz bolǵan 48 adamdy bosatqan. Onyń ishinde Qarataý aýdanynda – 23, Turan aýdanynda – 9, Ál-Farabı aýdanynda – 8, Abaı aýdanynda – 7, Eńbekshi aýdanynda – 1 adam bolǵan.

Prokýrorlyq qadaǵalaý aktileri boıynsha 24 laýazymdy tulǵa ártúrli tártiptik jazaǵa tartyldy.

«Biz qylmystyq protsestik zańnamanyń múltiksiz oryndalýyna umtylýymyz kerek, azamattardyń quqyq qorǵaý organdary ǵımaratynda bir mınýttan asa negizsiz bolýyna jol berilmeýi kerek. Bul jumystar jalǵasyn tabatyn bolady» - dedi qala prokýrory.