Shymkentte polıtsııa asa iri kólemdegi mefedronnyń taralýyna jol bermedi

Shymkent Polıtsııa departamenti esirtki qylmysyna qarsy is-qımyl basqarmasynyń qyzmetkerleri jedel is-sharalar barysynda esirtki zattaryn ótkizýmen aınalysyp júrgen Almaty turǵynyn quryqtady.

20 jastaǵy er adam ózimen birge qytyrlaq kartop (chıpsy) qaptamasyna salynǵan sıntetıkalyq esirtkini tasymaldaǵan.

Onyń jaldamaly páterin tekserý kezinde untaq salynǵan polıetılen paketter jáne 150-den astam esirtki oramasy tabyldy. Tárkilengen mefedronnyń jalpy salmaǵy 3,5 kelini qurady.

«Kúdikti qamaýǵa alyndy. Tergeý júrgizilip jatyr. Shymkent qalasynyń polıtsııa departamenti esirtkimen baılanysty kez kelgen zańsyz is-áreket zańmen qýdalanatynyn eskertedi», — dep jazdy vedomstvodan.