Shymkentte polıtsııa alaıaqtardyń arbaýyna túsken azamatqa 1,7 mln teńgesin qaıtaryp berdi
ShYMKENT. KAZINFORM – Alaıaqtarǵa aldanǵan Shymkent qalasynyń turǵyny polıtseılerdiń kómegimen aqshasyn qaıtaryp aldy.
Jábirlenýshiniń aıtýynsha, aldymen oǵan ózin «Qazposhta» qyzmetkeri retinde tanystyrǵan belgisiz adam habarlasyp, derekterdi rastaý syltaýymen SMS-kodty aıtýǵa kóndirgen. Arada biraz ýaqyt ótken soń ekinshi qońyraý túsip, taǵy bir belgisiz adam ózin bank qyzmetkeri retinde tanystyrǵan. Ol buǵan deıin habarlasqandardyń alaıaq ekenin, esepshottaǵy aqshany qaýipsiz jerde saqtaý úshin qarajatty basqa esepshotqa aýdarý qajettigin aıtyp, sendirgen.
Azamat bankomat arqyly aqshasyn sheship alyp, kórsetilgen esepshotqa 1,7 mln teńge aýdarǵan. Keıin alaıaqtardyń qurbany bolǵanyn túsinip, polıtsııa kómegine júgingen.
Polıtseıler jedel áreket etip, aqsha aýdarylǵan esepshottardy anyqtap, tranzaktsııalardy ýaqtyly buǵattady. Nátıjesinde qarajat tolyqtaı jábirlenýshige qaıtaryldy.
Aıta keteıik, osyǵan deıin habarlaǵanymyzdaı, Qaraǵandy oblysynda ınternet-alaıaqtyqtyń 335 faktisi tirkeldi.
