Shymkentte polıtseıler zańsyz kóshi-qon arnasyn toqtatty
ASTANA. KAZINFORM - Shymkent qalasynda zańsyz kóshi-qon arnasyn uıymdastyryp kelgen qylmystyq toptyń qyzmeti toqtatyldy, - dep habarlaıdy Polisia.kz.
Anyqtalǵandaı, kúdiktiler aqshalaı syıaqy úshin shetel azamattarynyń el aýmaǵyna kelýin uıymdastyryp, olardy zańsyz túrde zańdastyrýmen aınalysqan.
-Operatsııa barysynda 28 tintý is-sharasy júrgizildi. Nátıjesinde ondaǵan sheteldik pasport, tehnıkalar, baılanys quraldary, túrli blankiler men jalǵan eńbek sharttary tárkilendi. Sonymen qatar iri kólemdegi aqsha jáne tirkelmegen qarý alyndy. Qylmystyq toptyń uıymdastyrýshysy ýaqytsha ustaý ızolıatoryna qamaldy. Atalǵan arnaǵa qatysy bar 13 adam polıtsııaǵa jetkizildi. Osy derek boıynsha sotqa deıingi tergep-tekserý bastaldy,-delingen QR ІІM habarlamasynda.
Mınıstrlik kóshi-qon zańnamasyn buzýdyń kez kelgen faktisi jaýapkershiliksiz qalmaıtynyn eskertedi. Zańsyz kóshi-qon arnalarynyń jolyn kesý jumystary jalǵasady.
Osyǵan deıin Almatyda kóshi-qon tártibin buzǵan 21 shetel azamaty elden shyǵarylǵany týraly jazdyq.
