Shymkentte polıtseıler oqys oqıǵanyń aldyn aldy

ShYMKENT. KAZINFORM – Patrýldik polıtsııa ınspektorlary Abýev Erjan men Ǵalymjan Qurbanbaev janyp jatqan júk kóliginiń júrgizýshisine jedel jáne ýaqytyly kómek kórsetti.

ІІM baspasóz qyzmetiniń málimetinshe, tártip saqshylary qala joldaryn patrýldeý kezinde júk kóliginen tútin shyǵyp, janyp jatqanyn baıqaǵan. Inspektorlar birden jol jıeginde turǵan kólik quralynyń janyna toqtap, qyzmettik kóliktegi órt sóndirgishti qolǵa alyp, apattyń aldyn alýǵa kiristi.

Tez arada kólik kapotynan shyǵyp jatqan órtti sóndirip, gaz ballonnyń jabylǵanyna kóz jetkizdi. Osylaısha polıtseıler bolýy múmkin oqys oqıǵanyń aldyn aldy. Óz kezeginde, ábden abdyrap qalǵan júk tasymaldaýshy tártip saqshylaryna beıjaı qaramaı, kómekke kelgeni úshin alǵys bildirdi.

«Qyzmet atqarý barysynda biz san túrli jaǵdaılarmen kezigemiz. Eń bastysy, azamattardyń amandyǵyn saqtap qalý. Al, olardyń alǵysy – biz úshin eń joǵary marapat», – deıdi ofıtserler.