Shymkentte polıtseıdi urǵan jasóspirim jazalandy

ShYMKENT. KAZINFORM — Sot polıtsııa qyzmetkerin urǵan jasóspirimniń isin qarady. Oqıǵa turǵyn úıdiń aýlasyndaǵy tóbeleske baılanysty shaqyrtý kezinde oryn alǵan.

Іs kámeletke tolmaǵandardyń isteri jónindegi mamandandyrylǵan aýdanaralyq sotynda qaraldy. Oqıǵa ótken jyldyń qarasha aıynda bolǵan. Aýladaǵy tóbeles týraly habarlamaǵa polıtsııa qyzmetkerleri jedel jetken. Jasóspirim aldymen patrýldik kólikti teýip, tártip saqshylary kólikten shyqqan kezde olardyń zańdy buıryǵyn elemegen.

Ol qarsylasý kezinde polıtseılerdiń birin judyryqpen urǵan. Tártip saqshysy jeńil jaraqat aldy.

— Sottalýshy óz kinásin moıyndap, shyn ókinetinin aıtyp, jeńil jaza taǵaıyndaýdy surady. Jábirlenýshiler jaza taǵaıyndaý máselesin sottyń qaraýyna qaldyrdy, — dep habarlady sot.

Prokýror jasóspirimniń bas bostandyǵyn shekteýdi talap etti.

Sot aıyptalýshyny «Bılik ókiline qatysty qorqytý nemese kúsh kórsetý áreketteri» baby boıynsha kináli dep tapty.

— Sot aıyptalýshynyń shyn júrekten ókinýin jazasyn jeńildetetin jaǵdaı retinde qarastyrdy. Eshqandaı aýyrlatatyn mán-jaılar anyqtalǵan joq, — dep túsindirdi sot.

Nátıjesinde jasóspirimge 1 jyl, 4 aı bas bostandyǵyn shekteý jazasy taǵaıyndaldy. Úkim zańdy kúshine endi.

Buǵan deıin Qyzylordada oıyn-saýyq oryndarynda beımezgil júrgen 242 jasóspirim ustalǵany týraly jazǵan bolatynbyz.