Shymkentte «Paıyzsyz baspana» qarjylyq pıramıdasyn uıymdastyrǵandar 6 jylǵa sottaldy
ShYMKENT. KAZINFORM – Shymkent qalasynyń qylmystyq ister jónindegi aýdanaralyq sotynyń úkimimen qarjylyq pıramıda qurý jáne oǵan basshylyq etýmen «Paıyzsyz Baspana» turǵyn úı uıymynyń basshysy men qyzmetkerleri 3 jyldan 6 jylǵa deıingi merzimge bas bostandyǵynan aıyrý jazasyna sottaldy. Bul týraly Shymkent qalasy prokýratýrasynyń baspasóz qyzmeti málim etti.
Prokýratýranyń dereginshe, sottalýshylar Shymkent, Almaty, Astana qalalarynda 2019-2021 jyldary aralyǵynda «Instagram» áleýmettik jelisi arqyly aqsha salymshylardy tartyp, tómen baǵamen baspana usynýǵa ýáde bergen.
«Qylmystyq shemaǵa sáıkes budan ári salymshylardyń qarajatyna ózderiniń qajettiligi úshin jyljymaly jáne jyljymaıtyn múlikter alǵandary anyqtaldy, 134 jábirlenýshige 171 mln teńgeden astamkólemde zalal keltirilgen», - delingen habarlamada.
Sot úkimi zańdy kúshine engen joq.
Shymkent qalasynyń prokýratýrasy shahar turǵandary men qonaqtarynyń nazaryna qandaı da bir turǵyn úı uıymyna jarna jáne qarjylyq pıramıdaǵa aqsha salý usynylǵan jaǵdaıda saq bolýyn suraıdy.
