Shymkentte para alǵan polıtseı jıyrma bes eselengen mólsherde aıyppul tóleıtin boldy
Shymkentte para alǵan polıtseı jıyrma bes eselengen mólsherde aıyppul tóleıtin boldy, dep habarlaıdy QazAqparat tilshisi.
Shymkent qalasynyń qylmystyq ister jónindegi aýdanaralyq sotynda para alǵan polıtsııa qyzmetkerine qatysty QK-niń 366-babynyń 1-1-bóligimen (quqyq qorǵaý organynyń qyzmetkerimen para alý) qozǵalǵan qylmystyq is qaraldy.
Sottalýshy quqyq qorǵaý organynyń qyzmetkeri bola tura, adamdardyń jaldamaly páterde zańmen tyıym salynǵan qyzmet túrin kórsetýge jol berip, oǵan yqpal jasap kelgen. Qamqorlyǵy úshin jalpy 120 000 teńge kóleminde para alǵan.
Sottyń sheshimimen sottalýshy QK-niń 366-baby 1-1-bóligimen kináli dep tanyldy. Atalǵan bappen oǵan paranyń jıyrma bes eselengen mólsherinde, ıaǵnı 3 000 000 teńge aıyppul jazasy taǵaıyndaldy.
Sot úkimimen sottalýshy ómir boıyna memlekettik jáne quqyq qorǵaý organdarynda qyzmet atqarý quqyǵynan jáne polıtsııa maıory arnaýly sheninen aıyryldy.
«Sot úkimi zańdy kúshine engen. Jaza taǵaıyndaǵanda, sot sottalýshynyń jasaǵan áreketteri úshin shyn nıetpen ókingenin, asyraýynda jas balalarynyń bolýyn, aldyn sotty bolmaǵanyn jáne qylmystyq quqyq buzýshylyqty kásibı antyn buza otyryp jasaýyn eskerdi», - delingen Shymkent qalasy sotynyń baspasóz qyzmeti usynǵan aqparatta.
