Shymkentte paketke oralǵan adam súıekteri tabyldy

ShYMKENT. KAZINFORM — Shymkent qalasynyń turǵyny paketke oralǵan adamnyń bas jáne ózge de súıekterin taýyp aldy. Mundaı jaǵdaı buǵan deıin de tirkelgen.

Shymkent qalalyq polıtsııa departamenti habarlaǵandaı, oqıǵa ornyna jedel-tergeý toby jóneltildi.

— Tabylǵan súıekter shyǵý tegi men jerlengen merzimin anyqtaý úshin sot-medıtsınalyq saraptamaǵa jiberildi, — dep túsindirdi PD baspasóz qyzmeti.

Anyqtalǵandaı, byltyr Shymkenttiń dál osy aýdanynda qurylys jumystary júrip jatqan kezde máıitter tabylǵan. Sarapshylardyń aıtýynsha, olardyń jasy shamamen 25-30-te.

— Polıtsııa qyzmetkerleri azamattardy mundaı zattar tabylǵanda dereý habarlaýǵa jáne tártip saqshylary kelgenge deıin óz betimen eshqandaı shara qoldanbaýǵa shaqyrady, — dep tolyqtyrdy PD baspasóz qyzmeti.

Buǵan deıin Shymkent turǵyny Volodarskıı kóshesindegi sýpermarkettiń janyndaǵy kólik turaǵynan adam súıegi tabylǵany týraly habarlaǵan. Kýáger olardy qurylysshylar taýyp alýy múmkin degen boljam aıtty. Sebebi jaqyn jerde abattandyrý jumystary júrip jatty.

Aıta keteıik, buǵan deıin Atyraý oblysynda Saraıshyq aýylynan adam súıekteri tabylǵan edi.